Informasie
Leef Sjlaaibök en Sjlaaimette,
Veer leve in ‘nne onzekere tied, deih ziene weersjlaag heit op òs alle persoenlik en ouch op ’t vereinigingsleve.
Pas geleije höbbe veer, es karnevalsvereiniging de Sjlaaibök , uuch al laote weite tot ouch veer, sjus wie väöl ander vereiniginge binne en boete Mesjtreech gein groete activiteite kinne goon hauwe met de karnaval.
Mede umtot veer ‘n zjubileij jaor höbbe, en veer dit natuurlijk neet ongemerk veurbeej wille laote goon höbbe veer de meugelikhede bekeke um toch andere activiteite te hauwe, die binne de geldende maotregele van dat momint zowwe kinne doorgoon.
Nao väöl euverlegk höbbe veer es besjtuur, oeteindelijk besjlote tot veer de grenze van de regels neet wille goon opzeuke, en tot veer gein risico’s wille goon laope met de gezoondheid van òs allemaol. Dit beteikent tot veer dus ouch gein alternatieve activiteite kinne organisere tijdens dit ganse seizoen.
’T oetrope van de Vorsj verplaotse veer dan ouch naor òs zjubileijweekend in November 2021. Veer wille dan geire twie weekende achterein hauwe, um zoe òs zjubileij toch good te kinne viere. Euver de invulling van de zjubileij weekende, zalle veer later nao uuch communiceren.
Dizze besjloete numme veer mèt pijn in òs karnevalshart, mer dit is wat òs betref op dit momint de einige gooj besjlissing die veer kinne numme.
Prins Jean II en Prinses Nancy zalle dan ouch same met Jeugprins Thijn en Jeugprinses Lynn pas in november 2021 aafsjeid numme es Prinsepare van 2020
Haw uuch allemaol gezoond, en hopelijk zeen veer òs weer gaw en verheuge veer òs op `n sjpetterend Zjubileij!!
Naomens besjtuur CV de Sjlaaibök
Marcel van Mulekom
Veurzitter
Op zaoterdag 18 november voond 't Ajd Prinsebal 2019 plaats. 't waor weer 'ne sjieke daag. Op dizze daag höbbe veer get veranderinge bekindgemaak beej Raod van 11 en Dansmareitjes; heij euver volge apaarte "website artikels". 