Home Historie
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
Historie

Karnevalsvereineging De Sjlaaibök is opgeriech op 11 oktober 1955, wie Amie nog ’n eige dörrep waor. In veurmalig kaffee De Twie Lampe van J. Linkens waore van eder Amiese vereineging twie reprizzentante aanwezig. ‘t Iersjte besjtuur en de iersjte Raod van Èlf is oet dat gezèlsjap gebore. Veurzitter woord d’n Ezel (Jef In de Braek), sikretaris en tegeliekertied sirremoniemeister woord de Zwever alias Kakele Bet (Thei Winands) en penningmeister woord de Knôp (Albert Boers). Rie Limpens, beter bekind es De Meilwörrem, kraog de ier um de iersjte Prins van De Sjlaaibök te weure veur de Karneval van 1956.

‘n Ech Karnevalsfees viere waor toendertied nog neet good meugelek, umtot menier pesjtoer ziech dao tege verzat.
Volleges Rooms-Katheliek gebruuk gold namelek op de daag veur Asgoonsdag ‘n 40-oorsjgebed en dat kôs nao de opvattinge van de pesjtoer van destieds neet samegoon mèt “retteketet en haldikidee”.

Pas väöl later, op èlf oktober 1956, waor definitief zeker tot in 't vervolg ech Karneval gevierd kôs weure, umtot de gebedscyclus door de nuije pesjtoer Mertens verplaats woord nao de Keersjtied.
Iere heijveur aan pesjtoer Mertens.

D’r môste netuurlek ouch duite in de kas kome en dus woord vanalles en nog get georganizeerd. Zoe woord twie jaor achterein ‘ne voetbalwedstrijd gehawwe tössje gekostumeerde en gemaskerde èlftalle. D’n iersjte wedstrijd waor op ’t kèrremisterrein, ‘n weij achter ‘t “Kempke” (dat hèt noe ‘t Lindeplein). De sjeidsrechter haw um ziene pols ‘ne hiele groete wèkker geboonde, zoetot heer good d’n tied kôs beejhawwe. In de rös woord mèt de patsj roondgegange en dat lieverde f 32,08 op. ‘t Jaor daonao brach de wedstrijd mer liefs 75 gölle op. Meh de mieste duite woorte verdeend aan de 613 dweile die hoes-aan-hoes woorte verkoch.  Van Lappe Twajn, eigeneir van de sjtoffewinkel, kraog de vereineging mèt flinke reduksie de nudige sjtof boe capes en narremötse van woorte gemaak. Ouch de gemeinte Amie leet ziech neet oonbetuig: d’r woord ‘n forsje subsidie verliend.

De iersjte Prinsewagel besjtoond hoofzakelek oet veilingskiste en woord beej de Prins, Rie I, opgebouwd. ’t Weir waor in dei winter ekstreem kajd. De liem waor bevrore veurtot ‘t pepier op de kiste waor geplek. Wie de wagel gereid waor sjtông alles netsjes in ’t loed, totdat bleek tot ein van de ben van de wagel al d’n tied leig haw gesjtange: oppoompe dus en vanaaf dat memint sjtông niks mie keersjrech. ‘t Heit in eder geval neet verhinderd tot de iersjte Karnevalsoptoch door Amie trok. Op asgoonsdag bleke nog 14 sent (oongeveir 6 eurosent) in de kas te zitte; ouch toen kostte feesviere al väöl duite.

Vanaaf de oprichting heit de vereineging altied ein of miejer zittinge georganizeerd. Ouch woord eder jaor ‘n jeugzitting gehawwe. Op de zittinge troje allein luij van “eige volk” op, graties en veur niks, en tot op d’n daag van vandaag is dat neet veranderd. De Sjlaaibök höbbe heijmèt oondertössje ’n flinke rippetasie opgebouwd.

De iersjte zittinge voonte plaats in de toenmalige zaal Lemmelijn, boe noe de zustersjkapel aan de Sieveresjtraot sjteit. De zaal waor neet groet en de luij sjtoonte in de rij um keertsjes te kinne kriege.

De peliesie môs waal ‘ns d’r aan te pas kome um heijbeej get orde te bringe. ‘ne Oetsjpraok van de Sjlaaibök oet dei tied waor: “Laote v’r hope tot de peliesie debeej keump, dan weite v’r tot ‘t good geit!” De jeugzittinge waore in dei tied good veur zoe’n 550 kinder!

In 1965 woord zaal Lemmelijn aafgebroke en de febrikshal van de gebreursj Geelen aan de Dörrepssjtraot (noe Ambyerstraat Noord) woord veur de zittinge in 1966 ter besjikking gesjtèld. De vereineging besjtoond toen 11 jaor. ‘t Jaor daonao (1967) woord beej gebrek aan ‘ne zaal de Prins oetgerope in ‘t gemeintehoes van Amie en kôste d’r gein zittinge plaatsvinde. Vanaaf 1969 is gemeinsjapshoes “Amyerhoof” ‘t oonderkome veur twie Galazittinge, ‘n Seniorezitting en ‘n Jeugdzitting.     

Daoneve verzörg de vereineging nog zittinge in Bejaardehoes Amie en de verpleegkliniek De Zeve Brônne.

Tot de jaore zevetig woord alles op en roond Karneval georganizeerd door de oongeveir 14 Raod van Èlflede die de vereineging sjterrek waor. De roop um assistensie woord echter ummersjkier groeter en in ‘t naojaor van 1980 woord Karnevalsvereineging De Sjlaaibök in  nuije sjtijl ‘n feit: ‘t besjtuur van de vereineging besjtoond in ‘t vervolg oet lede “mèt möts” (van de Raod van Èlf) en lede “zoonder möts” (neet oet de Raod van Èlf). In ‘t besjtuur van de toen met oongeveir 40 lede sjtartende vereineging zaote zelfs twie dames! Vanaaf dat memint woord ouch ‘n kontrebusie ingeveurd van èlf gölle per jaor; veurheer woorte nao edere Karneval sumpelweg alle rekeninge beejein getèld en gezamelek betaald door de Raod van Èlf. Al ‘t werk woord in ‘t vervolg verdeild euver väöl mie kemissies es veurheer (tot 1980 waore d’r allein ‘n meziekkemissie, ‘n optochkemissie en ’n kemissie zittingen; tegeswoordig heit de vereineging mie es 15 kemissies).

Vanaaf ‘t iersjte jaor höbbe v’r ‘n Hofkapel. De Kapel is oontsjtange oet Blaoskapel Edelweiss die dreij jaor ieder waor opgeriech. Oondertössje is de bezètting van de Kapel flink gewijzig: d’r zeen hiel get nuij en jônger lede gekome, die ouch los van De Sjlaaibök optreije oonder de naam Beejeingesjraveld. De “aw” bezètting is oonder de eige naam Edelweiss weijer gegange en maak door ’t jaor heer meziek beej allerleij aktiviteite.

‘ne Andere belangrieke groep die altied heit mètgehollepe um van de Amiese Karneval ’n succes te make is herremenie St. Walburga. Umtot tôwvallig de iersjte Prinse ouch lid van de herremenie bleke te zeen, kraoge zie ’n sirrenaad aan hoes. Zoe oontsjtoond ‘n tradisie die tot op de daag van vandaag gehandhaaf is: oze Hoeglöstigheid krijg jaorleks -weir of gei weir- ’n sirrenaad, dat ‘m ‘n oonvergetelek memint bezörg.

Veur de vereineging waor de sjleuteleuverdrach in ‘t gemeintehoes van Amie altied ‘n hoegtepunt. Nao de offisjieel euverdrach door börregemeister Spauwen woord in de raodszaal flink gesjprônge en gezônge en, zoe sjteit in ’ne awwe zjubileijgids van de vereineging, “’n good glaas wien gedroonke”. Daonao gông ´t de sjtraot op. Aan dis tradisie kaom in 1970 ´n ind wie de gemeinte Amie woord geannekseerd door Mesjtreech.

Vanaaf 1955, ‘t jaor van oprichting, lievere De Sjlaaibök ouch eder jaor ’n eige Karnevalsleedsje, dat door “eige volk” weurt gekomponeerd en uiteraard ouch door “eige volk” weurt gezônge. Ederein in Amie weurt eder jaor oetgenudig um ‘ne karnevalssjlager te sjrieve. Door ’n vertrouweskemissie weurt gekontroleerd of de inzendinge voldoen aan ’t veuraaf bekind gemaak regelemint en weurt d’r gelèt op melodie en Amies dialek. Daonao weure de dreij bèste sjlagersj gesillekteerd die in ’n finale, de zoegeheite “leedsjesverkezing”  veur de iersjte plaats goon sjtrije. De “leedsjesverkezing” is veur ’n ederein tôwgangkelek en door middel van ’t oetbringe van ’n sjtum weurt oeteindelek de winnende sjlager bepaald. Tot dat oonder groete belangsjtèlling en mèt väöl plezeer plaatsvindt is eigelek euverbodig um te vermelle.

Vanaaf ’t jaor van oprichting heit Amie häöre eige karnevalssjlager; ’t is ’n tradisie die ouch nao 1970 – wie de gemeinte Amie woord geannexeerd door de gemeinte Mesjtreech – in iere is gebleve en door de Samewèrrekende Mestreechter Vastelaovendsvereiniginge (SMV) weurt gerespekteerd. De vereineging is d’r gruutsj op tot ze eder jaor ‘ne eige karnevalssjlager kin oetbringe.

LAST_UPDATED2
 
Copyright © 2017 CV de Sjlaaibok. Alle rechten voorbehouden.
Joomla! is gratis open source software vrijgegeven onder de GNU/GPL Licentie.
 

Hoeglöstighede

Banner