Home Extra Sjlaaimetsjes
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
  • JoomlaWorks Simple Image Rotator
Sjlaaimetsjes

In 1980 vierde de Jeugkarneval in Amie häör twiede lustrum. Um dit 22-jäörig zjubileij te kinnen viere woord ‘n feeskomité samegesjtèld, dat de taak op ziech naom in samewèrreking mèt de toenmalige jeugkemissie dit fees te organizere en ouch de nudige pecunia heijveur te verzamele.

Sjlaaimet.jpg

Ein van de daoveur gehawwe aksies waor ‘t verkoupe van de tradisjioneel aan oos vereineging verboonde greunte: sjlaai. Behalve volwassene woord ouch mètwèrreking gevraog aan de lede van de Jeugraod van Èlf. Ouch ander jônges en meidsjes woorte heijveur benaderd en de jeugdige belangsjtèlling um mèt te wèrreke waor groet. Um ein en ander cachèt te geve woorte de jônges en hiere verkleijd in ‘n vreugere Amiese greunteboer, terwijl de meidsjes en dames mèt roeje halsdook en doonkere zjwarte rok es de vreuger Sjlaaimet woorte oetgedos. Neet allein waor de aksie ‘n groet succes, de zoe verkleijde groep trok ouch ‘t nudige bekieks! D’r woord ‘n gesjlaag 22-jäörig jeugzjubileij gevierd, boe beej ‘t feeskomité mèt gepasde trots ‘n pozitief finansjieel saldo moch prizzentere. Die cent kôste good weure gebruuk!

‘n Gevolg van dis gebäörtenis waor, wie kôs ‘t ouch andersj in d’n tied wie vrouwe-emansipasie zoe biezeunder aktueel waor, tot de jeugkemissie in de karnevalstied van 1981 ‘ne breef oontving van ein van de meidsjes dat aan de aksie haw deilgenome. Zie, Elvira hèdde ze, sjreef: “Veurwat kinne allein mer jônges aan de Jeugraod van Èlf mèt doen? Veurwat weurt d’r neet ouch ‘ne Meidsjesraod opgeriech? Veer wèlle ouch waal ‘ns vanaaf ‘ne wagel nao de luij zjwejje!” Dat zat de jeugkemissie, en mèt name inisjiatiefneumersj Maria Zaar en Rob Plantaz, aan ‘t dinke.

 

Alleriersj woord kôntak gelag mèt twie vreuger “Sjlaaikeuninginne”: Els Budy en Tina In de Braek. Gruutsj vertèlde die euver vreuger tije en illustreerde dit mèt ‘t tune van hiel get historiese foto’s. Entoesjias es die twie dames waore euver de op han ziende planne oontbraok daobeej ouch de borrel (jônge klaore) neet en dege zie de belofte te hellepe boe dat mer kôs! Daonao ging me konkreet aan de sjlaag.

Iersj woord sjtof ingekoch, boemèt diverze vrijwèllige dames aan de sjlaag ginge: d’r woorte zjwarte rök genejd,  blawgries gesjtriepte sjolleke gemaak en grijs umsjlaagdeuk gehaok. Daobeej woorte passende zjwarte huudsjes, grijs damespruuk en rete körrefkes gekoch. Zoe woorte 12 nuij “uniforme” inein gezat, analoog aan de oetmoonstering van de authentieke Sjlaaimette van vreuger.
De twie veurmalige “Sjlaaikeuninginne” boje aan um de körrefkes van de meidsjes te völle mèt de tradisjioneel, zelf gekweekde greunte: sjlaai, poor, wortele en andievie. Neet allein höbbe ze die zjeste jaorelangk volgehawwe, ouch kraoge de Sjlaaimetsjes beej ‘t aafhole van de gevölde körrefkes van hun nog ‘n extra muntsje veur ‘n konsumpsie!

Veur de Karneval van 1982 woorte behalleve 12 jônges veur de Jeugraod van Èlf ouch 12 meidsjes benaderd. Op de jeugzitting van 1982 prizzenteerde de Sjlaaimetsjes ziech veur d'n iersjte kier mèt ‘ne boeredans en de reaksies van jeugdig en volwasse publiek waore geweldig. Heijmèt waor de iersjte Sjlaaimetsjesgroep beej oze Jeugkarneval ‘n feit gewore! Vanaaf dei tied neume de meidsjes deil aan ‘t ganse jeugdig karnevalsprogramma en raak hun charmante oetsjtraoling minnigein in ‘t hart.
img1.jpg 

Inmiddels is de oetmonstering van de meidsjes gemoderniseerd; beej 't zjubileijfees van de jeug in 2002 woord hun ganse uniform vernuijd, meh nog ummer zien de tradisjoneel kinmerreke van de vreuger Amiese "Sjlaaimette" d'r in terök te vinde.

 
Copyright © 2017 CV de Sjlaaibok. Alle rechten voorbehouden.
Joomla! is gratis open source software vrijgegeven onder de GNU/GPL Licentie.
 

Hoeglöstighede

Banner