CV de Sjlaaibök

Jeugdprins Senn I en Jeugdprinses Xantie

Op zoondag 07 November 2021 woort in Gemeinsjapshoes d’n Amyerhoof oetgerope tot: 

63ste Jeugprinsepaar van C.V. de Sjlaaibök 

PRINS SENN I EN PRINSES XANTIE

Nao `n Jaor van afwezigheid heit C.V. de Sjlaaibok in ’t jaor 2021 de ier uuch ’t Jeugprinsepaar van 2021 -2022 veur te maoge sjtèlle. 

Prins Senn d’n 1ste is de zoon van Kim en Danny Weerts en woent aan de Vlierhoven nummerke 110 same mèt zien groete zuster Noé en neet te vergete ziene hoond Tum en de 2 visse Orange Weezley en Siem Jonker. 

Prins Senn is `nne jong deih ziech goot bezig hèlt. Voetballe, tennisse, carspotte, en scouting zien zoemer `n paar deenger die heer hiel geire deit. 

Ouch kampere deit heer hiel geir en zoe is heer en zien femilie dan ouch dekser in Sjpanje te vinde in de vekansies. 

Weier kint geer häöm spotte es heer mèt zien vrun Amie onveilig maak op de fiets. 

Prinses Xantie is de dochter van Jolien en Swen Giesen en woent in de Walburg nummerke 17 same met häör groete zuster Angie en hunne hoond Lewie. 

Dizze jongedame had dit jaor mer eine druim….en deih keump noe ech oet, prinses weure van Amie… 

Mesjiens kint geer häör wel van häör sjieke optreijens es dansmerieke op ozze Amiese kinderzittinge. 

Xantie is `n sportieve prinses want boete die danspeskes is ze noe 3 kier per week op `t voetbalveld te vinde. 

Scouting deit zie dao boete ouch nog gere en es d`r dan nog tied euver is , is ze aan `t knutsele of mèt tiktok aon de run. 

Prins Senn en Prinses Xantie zitte alle twie in groep 7 van ’t Kindcentrum Amie. 

Zie zalle uuch veurgoon met väöl lol, sjpas en plezeer en zalle neet sjtil zitte en sjpringe tot ze neet mie kinne. 

Dus jongens en meidskes en alle groete lui, geer zeet gewaarsjowd; daot mer goot met ze met. 

Dis 2 kanjers goon der ‘nne onvergetelijke tied van make. 

Zie goon es Jeugprinsepaar 2021-2022 same met ’t Groet Vorsjtepaar alle bals in Amie bezeuke en zalle eederein mèt sjlijpe in de polonaise , hosse en springe en evekes allein mer feeste want dat is wat zie noe allein nog mer wille. Ze höbbe zoe wie ze zelf zegke get in te hoole , dus haw uuch mer vas, dizze kanjers goon los! 

Jeugdprins Senn I en Jeugdprinses Xantie
Schuiven naar boven