CV de Sjlaaibök

Vorsj Benno I en Vorsjtin Maud


Karnevalsvereineging C.V. De Sjlaaibök maak gruutsj en mèt vol gemood bekind, tot op
zaoterdag 6 november 2021 roond 21.11 oor in ‘t 66ste besjtaonsjaor, ten aanzeen van ’t nao vastenaovend verlangend Volk van Amie en umsjtreke, is oetgerope en geïnstalleerd tot
Gruutsj en Hoeg Hoeglöstig Vorsjtepaar 2021/2022:
VORSJ BENNO I EN VORSJTIN MAUD
De nuije Gruutsje en Hoege Hoeglöstigheid van C.V. de Sjlaaibök-Amie;
Vorsj Benno d’n Iersjte en zien al eve Hoeglöstige Vorsjtin Maud zien in Amie – en daoboete – bekind es Benno en Maud Hermans.
Benno verdeent de kos met zien eige bedrief Cuypers Glaas boe heer al flink get jaore eigeneer van is. Maud werk in Amie in de Apotheek.
Ós Vorsjtepaar kint ziech al vanaaf 30 jannewarie 1992, boe zie zich höbbe liere kinne op sjaol. In 2005 zien zie getrowd en höbbe inmiddels 2 kinder, Femke van 13 en Luuk van 9 jaor.
Zie woene op de Hagesjtraot 40 boe zie ondertösje ‘nne ganse dieretuin höbbe, Papegaai Rico, Hoond Dex en twie knijns Tandloos en M&M.
Hobbies heit ozze Vorsj zier zeker; Zoe zit heer geir op de mountainbike en racefiets, en deit heer hiel väöl renne. Sinds jaore sjpäölt heer op de tuba beej ós herremenie.
Zien Vorsjtin Maud hèlt van wandele met Dex en hardlaope.
Zie zien natuurlijk aog jaorlijkse bezeukers van ozze Amiese Karneval, en höbbe zie jaore langk ozze Raod van 11 begeleid es lid van de Hofkapel. In 2014 zien zie ós veur gegange es 59e prinsepaar van Amie.
Nao ’n jaor zonder Karneval höbbe zie d’r extra väöl zin in öm same met uuch d’r ‘nne geweldige Amiese Karneval van te make
Amie Allaaf !!!

Vorsj Benno I en Vorsjtin Maud
Schuiven naar boven