CV de Sjlaaibök

JEUGPRINS LUUK 5E EN JEUGPRINSES NOOR

C.V. de Sjlaaibök heit de ier uuch ’t Jeugprinsepaar van 2022 -2023 veur te maoge sjtèlle.

 

Prins Luuk de 5de is de zoon van Maud en Benno Hermans en woent aan de hageweeg nummerke 40 same mèt zien groete zus Femke en neet te vergete hunne hoond Dex , papagej Rico en de twie kenijns Tandloos en M&M.
Prins Luuk  is `nne jong deih geire bezig is , Judo, Carspotte ,Freerunne,en boete sjpeule deit heer dan ouch erg geire.
Ouch sjpeilt heer beej de herremenie op de tuba de sjoenste toene.
Ouch de PlayStation is ‘n bezigheid die ozze prins geire deit , en neet te vergete Max Verstappen loere beej de Formule 1.
Mer ‘t belangriekste, ziene groete druim keump dan toch ech oet , Prins zeen van de Sjlaaibökskes en Sjlaaimetjes.

 

Prinses Noor is de dochter van Ingrid en Jordi Severijns en woent op de Kelten nummerke 28 same met häör breurke Guy en hunne teckel Tuur.
Van kleins af aan wow zie al ‘n echte prinses weure en kint häör geluk dan ouch neet op noe dizze winsj in vervulling geit.
Prinses Noor is gek van peird en daomet ouch deks te vinde op de Manège in Kier.
En ouch ôs Prinses Noor is lid van de herremenie en sjpeilt dan de sjoenste toene op häöre Hoorn beej ‘t Jäögorkes. Tiktokke, fèllemkes op de ipad loere en beuk leze deit zie ouch hiel geire.
Én is zie hielemaol gek van lekker sjlòk en sjokola, zorväöl ze mer kin.

 

Zie goon es Jeugprinsepaar 2022-2023 same met ’t Groet Prinsepaar de bals in Amie bezeuke en naor ander vereinigingen tow. Ouch wille ze eederein mèt sjlijpe in de polonaise , hosse en sjpringe zoedat geine mie sjtil kin blieve sjtoon. Dis twie kanjers zeen blij dat zie noe eindelik ‘t groete nuijts van de dake kinne sjrieuwe en goon d’r same met uuch ‘nne oonvergetelijke tied van make.

Van links naor rechts van väör naor achter, zie zien klaor veur ‘nne karneval dee geer noets mie vergeten zal.

TITELATUUR JEUGPRINSEPAAR 2022-2023

 

PRINS Luuk

 Graaf van de Hagesjtraot tot in de pin
Keizer van Fortnite en Formule 1
Hertog van de judomat en de freerunzaal
Insjpekteur Generaal van alle Playstationspelkes
Groetmeister van alle muziekante
Besjermhier van Dex

 

PRINSES Noor

 Gravin van de Hagesjtraot tot aan de Meuleweeg
Hertogin van alle peerdreijers
Joonkvrouw van de herremenie
Keizerin van alle tiktokkers en ipad-ters
Barones van alle dansmeriekes
Besjermingel van hoond Tuur

JEUGPRINS LUUK 5E EN JEUGPRINSES NOOR
Schuiven naar boven