Gruutsj en Hoeg Hoeglöstig Prinsepaar 2023
Prins Max I en Prinses Claire
De nuije Gruutsje en Hoege Hoeglöstigheid van C.V. de Sjlaaibök-Amie;
Prins Max d’n Iersjte en zien al eve Hoeglöstige Prinses Claire zien in Amie – en daoboete – bekind es Max en Claire van Geffen. Zie woene in de aw Kloestersjtraot in Amie.
Max is gebore en getoge in Amie en verdeent de kos es ICT-er beej Maastro. Claire kump oet Hier en is werkzaam in de gezondheidszörg.
Ôs Prinsepaar is beejein sinds 2010. Zie höbbe zich liere kinne beej de Sjlegter aan de Bergersjtraot. Sinds 6 jaor woene zie same, boevan 3 jaor in Amie. Sinds ’n jaor löp hunne hoond Yuki thoes rond. En zoe wie geer aan ôs Prinses kint zeen, keump d’r binnekort ‘nne kleine van Geffen beej.
In hunne vrije tied is ôs Prinsepaar aktief beej Scouting Amie. Claire dreijt beej de gidsen en Max beej de scouts. Same wandele ze geire met hoond Yuki en hawwe zie van good gezelsjap.
Max hèllep dao neve ouch nog oet beej Amiepedia en is veur de scouting aktief veur de dörpsmerret. Ouch sjteit ’t hoes vol met allerlei gadgets van Max.
Zie zien gruutsj um uuch dit Karnevalsseizoen veur te maoge goon en hope uuch tijens de Vastelaovend (en dao boete) nog deks in de Amiese horeca tege te kaome.
TITELATUUR PRINS MAX I C.V. DE SJLAAIBÖK
Ziene Hoege en Gruutsje Hoeglöstigheid
Prins Max I
zal ’t Amiese Riek van Sjlaaibök en Sjlaaimette goon regere oonder de volgende titelatuur:
Prins Max d´n Iersjte
67ste Prins van CV de Sjlaaibök
Maestro van ‘t ICT gebäöre
Capitano van alle scouts van Amie
Opper-herder van ziene hoond Yuki
Aktief deilneumer aan de Amiese zittinge
Tradisjioneel Participant van de jaorlekse Amiese Karneval
Residente van de Prinselikke strade de Kloestersjtraot
Erfhier van de Oostkant van Amie
