Op Zoondag 12 November 2023 woort in Gemeinsjapshoes d’n Amyerhoof oetgerope tot 65ste Jeugprinsepaar van C.V. de Sjlaaibök:

Prins Yve d’n 1ste en Prinses Jaydee

C.V. de Sjlaaibök heit de ier uuch ’t Jeugprinsepaar van 2023 -2024 veur te maoge sjtèlle.

Prins Yve d’n 1ste

Prins Yve d’n 1 ste is de zoon van Mano en Monique Lambertij en woent op de Longinastraot 116, same mèt zien awwer broor Nick.

Prins Yve is `nne jong deih geire väöl boete deit sjpeule mèt zien vrun , voetballe op sjpeelterein Tina, en zeker is heer ouch deks te vinde aan de euverkant beej de buurman Maurice. Deih help heer mèt sjleutele aan aw ooto’s, want ooto’s, dao is Prins Yve knetter gek van en wet heer ouch hiel väöl van. Heer geit soms liever “werke” dan boete sjpeule of aafsjpreke mèt vrundjes, want zoe wie heer zelf zeit “ dao lier iech hiel väöl van”.

Mer wat pas ech biezunder is, is dat ziene groete druim toch nog oetgekome is. Prins zien van de Sjlaaibökskes en Sjlaaimetjes. Dat had heer noets mie verwach, en waor ouch allein mer meugelijk umtot ver dit jaor wel `n hiel biezunder jaor höbbe. Neet allein Jubileum, mer bij alle aanmeldinge van keenderkes oet groep 7 waor d’r geine dee dis sjieke rol wow vervulle, en wat nog noets gebäörd is mos noe wel. De loting kaom dit jaor oet groep 8! Euvergelukkig is ozze Prins dan ouch , dat heer noe toch nog Prins maog zeen van zoene sjieke groep.

Prinses Jaydee

Prinses Jaydee is de dochter van Dave en Nancy Snijders en woent in de Gouverneur houbenstraot 34 same met häör zuster Cheyenne.en hunne hoond Vanity.

Häöre groete druim um prinses te weure is dan noe toch ech oetgekome, en ze kin dan ouch häör gelök neet op. `T doorde häör wel ech te lang ier ze ‘t groete geheim kos vertille en eindelijk same met häöre prins kos sjtraole in hun sjieke pekskes.

Prinses Jaydee is gek op danse en deit dit dan ouch zoeväöl es dat ze kint. Eige filmkes make op tiktok huurt dao dan netuurlijk ouch beej. Ouch is zie groet fan van PSV en MVV en loert dan ouch zoeväöl meugelijk wedstrijde. Mer es ‘t ff kin geit zie die ‘t liefste live bekieke same met häöre Peetnoonk Danic. Wat zie nog mie in häöre vrije tied deit is lekker bakke, en knutsele, en zoe krijg ôs prinses häöre tied wel um.

Zie goon es Jeugprinsepaar 2023-2024 same met ’t Groet Prinsepaar de bals in Amie bezeuke en naor ander vereiniginge tow. Ouch wèlle ze eederein mèt sjlijpe in de polonaise, hosse en sjpringe zoedat geine mie sjtil kin blieve sjtoon. Dis twie kanjers zeen blij dat zie noe eindelik ‘t groete nuijts van de dake kinne sjrieuwe en goon d’r same met uuch ‘nne oonvergetelijke tied van make.

Van links naor rechts van väör naor achter, zie zien klaor veur ‘nne karneval dee geer noets mie vergeten zal.