Karnevalsvereineging C.V. De Sjlaaibök maak gruutsj en mèt vol gemood bekind, tot op zaoterdag 25 jannewarie um 21.11 oor in ‘t 70ste besjtaonsjaor, ten aanzeen van ’t nao vastenaovend verlangend Volk van Amie en umsjtreke, is oetgerope en geïnstalleerd tot
Gruutsj en Hoeg Hoeglöstig Prinsepaar 2025:
Prins Roel I en Prinses Bianca
De nuije Gruutsje en Hoege Hoeglöstigheid van C.V. de Sjlaaibök-Amie
Prins Roel d’n Iersjte en zien al eve Hoeglöstige Prinses Bianca zien in Amie – en daoboete – bekind es Roel Dreesen en Bianca Dreesen-Duchateau. Zie woene sinds hiel kort in de Frans Halssjtraot in Amie.
Ozze Prins is gebore en getoge in Amie en is de zoon van Servé en Anita Dreesen en is 31 jaor geleije gebore. Ôs Prinses is de dochter van Nico en Wies Duchateau en is 41 jaor.
Ôs Prinsepaar is beejein sinds 2012, Boe zie zich höbbe liere kinne beej de Plus. In 2022 höbbe zie elkaar `t jao woord gegeve in hunne eige Amyerhoof. Ze höbbe twie kinder, dochter Amber van 9 jaor, en zoon Milan van 5 jaor.
Ozze Prins kint geer natuurlijk allemaol es inmiddels officieel oetbater van de Amyerhoof, of wie heer zelf zeet, mien twiede hoes. Ouch verzörg heer catering onder de naam catering service d’n Drees.
Heer is algemein besjtuurslid van korfbalvereiniging Mesjtreech en verzörg daor ouch de inkaop van de kentien.
Zien hobby’s zeen korfballe, hel renne en wandelen met de hun.
Ôs Prinses werk es kwaliteitsmedewerkster beej Albert Heijn in de Helmsjtraot.
Häör hobby’s zeen knutsele, handwerkskes make, Netflixe, kiene, wandele met de hun en same met `t gezin leuke oetstepkes make.
Zie zien gruutsj um uuch dit Karnevalsseizoen veur te maoge goon en dit alles in hunne eige Amyerhoof mèt uuch te mage beleve.
Amie Alaaf !!