Gruutsj en Hoeg Hoeglöstig Prinsepaar 2026:
Prins Sander I en Prinses Marcella
De nuije Gruutsje en Hoege Hoeglöstigheid van C.V. de Sjlaaibök-Amie.
Prins Sander d’n Iersjte en zien al eve Hoeglöstige Prinses Marcella zien in Amie – en daoboete – bekind es Sander Lemmens en Marcella Lemmens-Humblet. Zie woene aan de Westrand in Amie.
Ozze Prins is 39 jaor en is de zoon van Paul en Anca Lemmens. Ôs Prinses is de dochter van Marcel en Thea Humblet en is 38 jaor.
Ôs Prinsepaar is beejein sinds 2009, en höbbe in 2014 elkaar `t jao-woord gegeve. Ze höbbe dreij kinder, Levi van 11 en Liam en Jill van 9 jaor.
Ozze Prins verdeend de kos es lieraar bij basissjaol Dynamiek in Daalhof. In ziene vrije tied zingk heer inmiddels al 20 jaor beej Vocal Group Mes Amie, en is 12 jaor lid van de Raod van 11. Daoneve is heer binne `t bestuur ozze eige sikretaris en is heer `n zier enthousiast lid van ozze jeugcommissie. Ouch deit heer geire padellen en wandelen met de hoond. Natuurlijk brink heer ouch hiel gere tied met zien kinder door.
Ôs Prinses werk in de Brusselse Poort beej Rousseau Chocolade.
Häör hobby’s zeen winkele, aafsjpreke met vriendinne en ouch lekker wandele. Zie deit in diverse commissies ouch hiel väöl veur ós vereiniging.
Same lup ôs Prinsepaar eeder jaor met tijdens de wandelvierdaagse van Amie en eten ze geire same `n hepke boete de deur.
Zie zien gruutsj um uuch dit Karnevalsseizoen veur te maoge goon en hope tot zie alle activiteite in `ne volle Amyerhoof met uuch mage beleve.
Amie Alaaf !!