Op Zoondag 9 November 2025 woort in Gemeinsjapshoes d’n Amyerhoof oetgerope tot:
67ste Jeugprinsepaar van C.V. de Sjlaaibök:
Prins Tum de 1ste en Prinses Quinn
C.V. de Sjlaaibök heit de ier uuch ’t Jeugprinsepaar van 2025-2026 veur te maoge sjtèlle.
Prins Tum d’n 1ste is de ajdste zoon van Stan en Tessa van Geffen en woent samen met zien breurke Lou op de Heukel nummerke 4. Karneval in Amie viere zit ózze prins in ’t blood, heer geit namelijk al jaore same met zien pap en mam en hunne vrundegroep in de optoch met. Mér dizze kier maog ózze Prins op de sjiekste plaats sjtoon die d’r is, namelik op de Groete Prinsewagen.
Ózze prins kin goot de clown oethange , en is door de week druk met allerlei hobby’s.
Zoe is ‘r lid van de scouting, zit heer op Judo, sjpeilt r trompèt en is heer lid van unne echte boybend genaamp “de Frikandello’s “.
Ouch kint geer häöm tegenkome es heer op sjtraot is aan ’t mountainbike, mer eve geir deit heer binne game, you tube filmkes beloeren en kin ‘r ouch wel uns ‘opstenaod’ zien. Prins weure is get wat ‘r hiel gere wow en is dan ouch erg blij dat ziene wins oetgekome is. En same met zien Prinses hoop heer d’r unne hiele sjieke tied van te make.
Prinses Quinn is de dochter van Rick en Arianne Habets en woent same met häör zusterkes Ruby en Faye op de Ambiorixweeg nummerke 47. Ouch ós prinses is het karneval viere neet vreimp, en kint geer häör zoewel in de sjtad es hei in Amie al zien tege gekome. Ós prinses deit ouch al jaore mét aan ós eige kinderzitting en dat vind zie ech supersjiek! Mér dat ze dit jaor neet allein deit optrije met de Jeuggroep mer ouch nog prinses maog zien is de keersj op de toert! Ouch ós prinses heit de nuudige hobby‘s, zoe is ouch zie lid van scouting, speult Klarinet bij de herremenie, deit geire leze en aafspreke met vriendinne, mer is ze bovenal ‘n echte kwebbelkous.
Ós prinses vind make-uppe en alles wat daobij keump kieke super leuk en kint dan ouch heerlik tutte met häör vriendinne.
Bove alles is zie trotse groete zus van zusterkes Ruby en Faye en kinne die 2 ziech gein betere Groete zus winse.
Dat zie ózze karneval same met häöre Prins maog veur goon is ech unne groete druim dee oetgekome is, en geit ze genete van alle sjieks wat kome geit.
Same kint ós Prinsepaar neet wachte um te goon feeste en hope zie uuch hei of dao te maoge tegekome en d’r same ein groet fees van te make.
TITELATUUR JEUGPRINSEPAAR 2025-2026
PRINS Tum d’n 1ste
Lienhier van d’n Heukel tot aan de kloestersjtraot
Aartshertog van alle Amiese verkennersj
Iere-Consul van de Amiese greune judo sjlip
Maestro van alle Walburga trompètte
Baron van Boomhut band de Frikandello’s
Protecteur van alle lekkere pizza’s
PRINSES Quinn
Gravin van de Ambiorixweeg tot aan L1
Hertogin van alle Kwebbelkousen
Joonkvrouw van de Amiese Scouts
Keizerin van alle klarinetsjpeulers
Barones van de lekkere borrelplank
Besjermingel van de liefste Biem