Prins Xepp I en Prinses Aimée

Prins Xepp d'n iersjte en prinses Aimée

Peersjberiech van ’t Gruutsj Jeugprinsepaar-2024-2025 van C.V. de Sjlaaibök-Amie
Op Zoondag 10 November 2024 woort in Gemeinsjapshoes d’n Amyerhoof oetgerope tot:
66ste Jeugprinsepaar van C.V. de Sjlaaibök


Prins Xepp d’n 1ste en Prinses Aimée

C.V. de Sjlaaibök heit de ier uuch ’t Jeugprinsepaar van 2024 -2025 veur te maoge sjtèlle.

Prins Xepp d’n 1ste is de zoon van Dennis en Sandy Jorigas en woent in de Longinasjtraot nummerke 41,
same mèt zien 2 kippe en hoond Jip.
Prins Xepp is `ne jong deih geire deit game, erg van voetbal helt en al zeker van zien club MVV en is dan
ouch edere toeswedstrijd van MVV in ’t stadion te vinde!
Heer is superleef veur eederein um häöm heen, hiel erg zörgzaam en bovenal `ne echte bikkel!!
Heer voont `t mer get sjiek dat heer dit jaor de Amiese Jeug maog veurgoon tijdens de Karneval,
want Prins weure dat waor toch wel `ne hiele groete winsj van häöm.
Heer kin dan ouch zien gelök neet op dat ziene winsj heit maoge oetkome.
Ouch is heer supergruutsj op zien groete broor Dex, deih vanoet de loch ziene besjermingel is.

Prinses Aimée is de dochter van Marcel en Corinne van Mulekom , en woent in de Dennehoven nummerke 22, same mèt häör awwer broor Mika en hunne hoond Mex.
Prinses weure waor veur häör `ne hiele groete druim.
Prinses Aimée is `n echte sjpring in `t veld, kin neet sjtèl sjtoon, dans `t liefste daag en nach en sjteit geire op häöre kop. Ratsjlage, koprolle, flik flak , de brök, niks is häör te gek, en `t zow ós neet verbaze es dit `n dansmerieke in de dop is, dus dat zit wel goot de komende jaore beej ozze vereiniging.
Edere week sjpeult zie ouch op häör klarinet.
Ouch vind ze `t erg leuk um met häör vriendinne leuke deenger te doen.
Zoe knutselt ze hiel geire, en bakke dat vind ze ouch superleuk um te doen.
Bovenal is ós prinses `n dame die mesjiens soms get verlege euver kome kint, mer laot uuch neet veur de gek hawwe, dizze dame wèt wat ze wilt!!!

Zie goon es Jeugprinsepaar 2024-2025 same mèt ’t Groet Prinsepaar de bals in Amie bezeuke en naor ander vereinigingen tow. Ouch wille ze eederein mèt sjlijpe in de polonaise , hosse en sjpringe zoedat geine mie sjtèl kin blieve sjtoon. Dis twie kanjers zeen blij dat zie noe eindelik ‘t groete nuijts van de dake kinne sjrieuwe en goon d’r same met uuch ‘ne oonvergetelijke tied van make.
Van klein tot groet , van joonk tot ajd, ze goon uuch metsjlijpe de veutjes van de vloer te luugte.
Zie zien klaor veur ‘ne karneval dee geer noets mie vergete zalt.

TITELATUUR JEUGPRINSEPAAR 2024-2025

PRINS Xepp

Graaf van de Longinasjtroat tot aan de Heukel
Keizer van us MVV ke
Hertog van `t voetbalveld en Tina
Insjpecteur van alle Playstation spelkes
Groetmeister van alle zjwumbaden
Besjermhier van hoond Jip

PRINSES Aimée

Gravin van de Dennehoven tot aan de Amyerhoof
Hertogin van alle Klarinetsjpeulers
Joonkvrouw van Radslage en Handstande
Keizerin van alle Tiktokkers
Barones van alle Danseressen
Besjermingel van hoond Mex

Prins Xepp I en Prinses Aimée
Schuiven naar boven